پاک انگلینڈ ٹی ٹوئنٹی سیریز، فیصلہ کن میچ کل

پاکستان اور انگلینڈ کے درمیان ٹی ٹوئنٹی سیریز کا تیسرا اور فیصلہ کن میچ  کل مانچسٹر میں کھیلا جائے گا۔ 

دونوں ٹیموں کے درمیان ٹی ٹوئنٹی سیریز ایک، ایک سے برابر ہے۔

قومی ٹیم کے کھلاڑی لیڈز سے میزبان شہر پہنچ گئے، پاکستانی فاسٹ بولر حسن علی بدستور ان فٹ ہیں اور ان کی تیسرے مقابلے میں بھی شرکت مشکوک دکھائی دے رہی ہے۔

انگلینڈ نے پاکستان کو دوسرے ٹی ٹوئنٹی میں جیت کے لیے 201 رنز کا ہدف دیا تاہم قومی ٹیم کی بیٹنگ لائن پھر فلاپ ہوئی اور ٹیم یہ ہدف حاصل کرنے میں ناکام رہی۔

خیال رہے کہ پہلے ٹی ٹوئنٹی میچ میں پاکستان نے انگلینڈ کو 31 رنز سے شکست دی تھی جبکہ دوسرے میچ میں انگلینڈ 45 رنز سے فاتح رہا۔

یاد رہے کہ پاکستان ٹیم نے اپنے پہلے دونوں میچز میں کوئی تبدیلی نہیں کی۔

حسن علی بائیں پیر میں کنچھاؤ کی وجہ سے پہلے دو میچز نہیں کھیل سکے تھے جبکہ تیسرے میچ میں بھی ان کی شرکت مشکوک ہے۔

انگلینڈ نے دوسرے ٹی ٹوئنٹی میں تین تبدیلیوں کے ساتھ پاکستان کو شکست دی، تاہم امکان ہے کہ وہ اسی کمبی نیشن کے ساتھ میدان میں اترے گی۔

یہ میچ پاکستانی وقت کے مطابق رات ساڑھے دس بجے شروع ہوگا۔

بشکریہ جنگ