پاکستان کی زمبابوے کیخلاف بیٹنگ

پاکستان کی زمبابوے کے خلاف تیسرے اور فیصلہ کن ٹی ٹوئنٹی انٹرنیشنل میں ٹاس جیت کر بیٹنگ جاری ہے۔

گرین شرٹس کی جانب سے شرجیل خان اور محمد رضوان نے اننگ کا آغاز کیا تو پہلی وکٹ 35 کے اسکور پر گری جب  شرجیل خان 18 رنز بنا کر آؤٹ ہوگئے۔

قومی ٹیم کی پلیئنگ الیون میں سرفراز احمد، شرجیل خان اور حسن علی کو شامل کیا گیا ہےجبکہ ٹیم کے باقی کھلاڑیوں میں بابر اعظم، محمد حفیظ، محمد رضوان، فخرزمان، فہیم اشرف، محمد حسنین، حارث رؤف اور عثمان قادر شامل ہیں۔

کپتان بابر اعظم نے ٹاس جیتنےکے بعد کہا کہ وکٹ فریش لگ رہی ہے، اچھا اسکور کریں گے، پاکستان ٹیم میں تین تبدیلیاں کی گئی ہیں ،آصف علی ، دانش عزیز اور ارشد اقبال کو ڈراپ کیا گیا ہے ان کی جگہ سرفرازاحمد ، شرجیل خان اور حسن علی پلیئنگ الیون میں شامل ہیں۔

بابر اعظم نے کہا کہ تیسرے میچ میں زیادہ سے زیادہ اسکورکرکے سیریز جیتیں گے۔

ان کاکہنا تھا کہ مڈل آرڈرمیں ٹیم مشکلات میں ہے، سرفراز احمد کو اس لیے لائے ہیں ۔

واضح رہے کہ 3 ٹی ٹوئنٹی میچز کی سیریز کے پہلے میچ میں پاکستان نے زمبابوے کو 11 رنز سے زیر کیا تھا جبکہ دوسرے میچ میں زمبابوے نے پاکستان کو 19 رن سے شکست دے کر 3 میچوں کی سیریز ایک ایک سے برابر کردی تھی۔

بشکریہ جنگ