پاکستان کرکٹ ٹیم ٹی ٹوئنٹی ورلڈ کپ کیلئے برسبین پہنچ گئی

پاکستانی کرکٹ ٹیم ٹی ٹوئنٹی ورلڈ کپ میں شرکت کے لیے برسبین پہنچ گئی، ورلڈ کپ سے قبل ٹیم وارم اپ میچز کھیلےگی۔

قومی کرکٹ ٹیم کرائسٹ چرچ سے آکلینڈ اور پھر برسبین پہنچی، جہاں کرکٹ ٹیم ورلڈ کپ سے قبل وارم اپ میچز کھیلے گی۔

پاکستان ٹیم 17 اکتوبر کو انگلینڈ، 19 اکتوبر کو افغانستان سے وارم اپ میچ کھیلے گی۔

پاکستان کرکٹ ٹیم کے کپتان بابر اعظم کا کہنا ہے کہ نیوزی لینڈ کے خلاف سیریز میں جیت سے پاکستان ٹیم کو ورلڈ کپ سے قبل اچھا اعتماد ملا ہے

واضح رہے کہ قومی اسکواڈ 20 اکتوبر کو برسبین سے میلبرن پہنچے گا۔

یاد رہے کہ کپتان بابر اعظم ایک روز پہلے ہی آسٹریلیا پہنچ چکے ہیں۔

بشکریہ جنگ