پاکستان کرکٹ اسکواڈ کا اعلان آج کیا جائےگا

جنوبی افریقا میں ون ڈے، ٹی 20 انٹر نیشنل اور زمبابوے میں ٹی 20 و ٹیسٹ میچوں کے لئے پاکستانی کرکٹ ٹیم کا اعلان آج کیا جائے گا۔

دورہ جنوبی افریقا اور زمبابوے کیلئے وائٹ اور ریڈ بال اسکواڈ بنایا جائے گا۔

پاکستان ٹیم کو جنوبی افریقا میں ون ڈے اور ٹی ٹوئنٹی سیریز کھیلنی ہے جبکہ زمبابوے میں پاکستان ٹیم کے ٹی 20 اور دو ٹیسٹ میچز بھی شیڈولڈ ہیں۔

ذرائع کے مطابق محمدحفیظ، فخر زمان اور شاداب خان کی اسکواڈ میں واپسی ہوگی۔

ذرائع کا کہنا ہے کہ چیف سلیکٹر محمد وسیم آج پریس کانفرنس میں ٹیم کا اعلان کریں گے۔ نوجوان فاسٹ بولر شاہنواز ڈاھانی کا نام بھی زیر غور ہے۔ 

بشکریہ جنگ