پاکستان اور کالعدم ٹی ٹی پی کے مذاکرات کسی نتیجے پر پہنچ جائیں، ذبیح اللّٰہ مجاہد

افغان طالبان کے ترجمان ذبیح اللّٰہ مجاہد کا کہنا ہے کہ پاکستان اور کالعدم ٹی ٹی پی کے درمیان کابل میں 2 دن قبل مذاکرات مکمل ہوئے، ہوسکتا ہے اس بار مذاکرات کسی نتیجے پر پہنچ جائیں۔

جیو نیوز سے گفتگو کرتے ہوئے افغان طالبان کے ترجمان ذبیح اللّٰہ مجاہد نے کہا کہ پاکستانی طالبان غیرمعینہ مدت تک طویل جنگ بندی کا اعلان کرچکے ہیں، جنگ بندی سے حملوں کا سلسلہ رکا رہے۔

انہوں نے کہا کہ حکومت پاکستان اور ٹی ٹی پی میں مذاکرات کیلئے ہمارا کردار ثالث کا ہے۔

ان کا یہ بھی کہنا تھا کہ مذاکرات ناکام ہوئے تو کسی کو افغان سرزمین پاکستان کے خلاف استعمال نہیں کرنے دیں گے۔

بشکریہ جنگ