ٹیسٹ کھیلنے انگلینڈ اور پاکستانی کرکٹ ٹیمیں ملتان سے کراچی پہنچ گئیں

انگلینڈ اور پاکستان کی کرکٹ ٹیمیں ٹیسٹ کھیلنے کے لیے ملتان سے کراچی پہنچ گئیں۔

ایوی ایشن ذرائع کے مطابق انگلینڈ اور قومی ٹیموں کے کھلاڑیوں اور آفیشلز نے پی آئی اے سے سفر کیا۔

پرواز پی کے 6331 نے دوپہر 1بج کر 5 منٹ پر کراچی ایئر پورٹ کے جناح ٹرمینل پر لینڈ کیا۔

ایئر پورٹ سے ملکی اور غیر ملکی کھلاڑی کو خصوصی حفاظتی انتظامات کے تحت ہوٹل روانہ کیا گیا۔

اس حوالے سے سندھ پولیس کے اسپیشل سیکیورٹی یونٹ اور کراچی پولیس کی جانب سے سخت حفاظتی انتظامات کیے گئے۔

واضح رہے کہ پاکستان اور انگلینڈ کی کرکٹ ٹیموں کے درمیان تیسرا ٹیسٹ کراچی میں 17 دسمبر سے شروع ہو گا جو 21 دسمبر تک کھیلا جائے گا۔

بشکریہ جنگ