ویسٹ انڈیز کی اسٹار آل راؤنڈر ڈیانڈرا ڈوٹن کا ریٹائرمنٹ کا اعلان

ویسٹ انڈیز کی اسٹار آل راؤنڈر ڈیانڈرا ڈوٹن نے ٹیم کے کلچر کی وجہ سے ریٹائر منٹ کا اعلان کر دیا۔

ڈیانڈرا ڈوٹن نے سوشل میڈیا بیان میں اپنی ریٹائرمنٹ کا حیران کن اعلان کرتے ہوئے کہا کہ ریٹائرمنٹ کے اعلان کی وجہ ٹیم کا کلچر ہے۔

انہوں نے کہا کہ کرکٹ ان کا جنون رہا ہے لیکن جب حالات ایسے ہو جائیں تو کمٹمنٹ کا دوبارہ جائزہ لینا پڑتا ہے۔

ویسٹ انڈیز کی کھلاڑی نے یہ بھی کہا کہ ٹیم کا ماحول اب ایسا ہو چکا ہے کہ افسوس کے ساتھ الگ ہونا پڑ رہا ہے۔

ویسٹ انڈیز کی اسٹار آل راؤنڈر ڈیانڈرا ڈوٹن ان دنوں کامن ویلتھ گیمز میں شرکت کے لیے برمنگھم میں موجود ہیں، وہ ویمن ٹی ٹوئنٹی ایونٹ میں باربڈوس کی قیادت کر رہی ہیں۔

ڈیانڈرا ڈوٹن نے 143 ون ڈے اور 126 ٹی ٹوئنٹی انٹرنیشنل میچز میں ویسٹ انڈیز کی نمائندگی کی ہے۔

بشکریہ جنگ