ویسٹ انڈیز کرکٹ ٹیم کا دورہ پاکستان ملتوی ہونے کا امکان، ذرائع

ویسٹ انڈیز کرکٹ ٹیم کا دورہ پاکستان ملتوی ہونے کا امکان نظر آنے لگا۔

ذرائع کا کہنا ہے کہ ویسٹ انڈیز کو 3 ٹی ٹوئنٹی کیلئے آئندہ برس کے اوائل میں پاکستان آنا تھا، ویسٹ انڈیز کرکٹ ٹیم اب یہ سیریز 2024 میں ٹیسٹ سیریز کے ساتھ کھیلے گی۔

ذرائع کا کہنا ہے کہ دونوں کرکٹ بورڈز کے درمیان بات چیت جاری ہے، دونوں بورڈز کی جانب سے جلد باقاعدہ اعلان کیا جائے گا۔

ذرائع کا کہنا ہے کہ 2023 ون ڈے ورلڈکپ کا سال ہونے کی وجہ سے ون ڈے کرکٹ کو اہمیت دی جا رہی ہے، دونوں بورڈز سیریز ملتوی کرنے پر رضا مند ہیں۔

بشکریہ جنگ