وزیر اعلیٰ پنجاب نے سیٹھ عابد کی بیٹی کے قتل کا نوٹس لے لیا

وزیر اعلیٰ پنجاب حمزہ شہباز نے سیٹھ عابد مرحوم کی بیٹی کے قتل کا نوٹس لے لیا۔

لاہور کے علاقے مسلم ٹاؤن میں ہونے والے قتل سے متعلق حمزہ شہباز نے انسپکٹر جنرل پولیس سے رپورٹ طلب کرلی۔

خاتون کی لاش کو پوسٹ مارٹم کے لیےاسپتال منتقل کردیا گیا ہے، پولیس نے مقتولہ کے لے پالک بیٹے اور گھریلو ملازمہ کو حراست میں لے لیا ہے۔

وزیر اعلیٰ پنجاب نے کہا کہ ملزمان کو جلد گرفتار کرکے مزید کارروائی کی جائے اور قتل کی ہر پہلو سے تحقیقات کی جائیں۔

حمزہ شہباز نے کہا کہ مقتولہ کے لواحقین کو انصاف کی فراہمی یقینی بنائی جائے۔

وزیر اعلیٰ حمزہ شہباز نے لواحقین سے دلی ہمدردی و افسوس کا اظہار بھی کیا۔

بشکریہ جنگ