وزیراعلیٰ سندھ نے منوڑہ بیچ پر ترقیاتی کام کا افتتاح کردیا

وزیراعلیٰ سندھ سید مراد علی شاہ نے منوڑہ بیچ پر ترقیاتی کام کا افتتاح کردیا۔

اس موقع پر گفتگو کرتے ہوئے وزیراعلیٰ سندھ نے کہا کہ منوڑہ فرنٹ پر ایک ایکڑ پر پارکنگ بنائی گئی ہے۔

انہوں نے کہا کہ منوڑہ کے پاس ایک منی پارک بھی تعمیر کیا گیا ہے، لوگوں کے بیٹھنے کے لئے چھوٹے بڑے 34 شیڈ بنائے گئے ہیں۔

سید مراد علی شاہ نے مزید کہا کہ یہاں پر بچوں کے پلے ایریا بھی تعمیر کیا گیا ہے، منوڑہ بیچ کو ترقی دینے کا مقصد بہترین تفریحی مقام مہیا کرنا ہے۔

بشکریہ جنگ