وزیراعظم کی زیر صدارت کھاد کے ذخائر اور قیمتوں پر اجلاس

وزیراعظم عمران خان کی زیر صدارت کھاد کے موجودہ ذخائر اور قیمتوں سے متعلق اجلاس منعقد ہوا۔

رپورٹس کے مطابق اجلاس میں وزیراعظم کو ذخیرہ اندوز اور منافع خوروں کیخلاف کارروائی پر آگاہی دی گئی۔

اجلاس میں وزیراعظم عمران خان نے کھاد کی ذخیرہ اندوزی اور ناجائز منافع خوری میں ملوث عناصر کے خلاف قانونی کارروائی جاری رکھنے کی ہدایت کی ہے۔

عمران خان نے کہا کہ پاکستان میں صرف چھوٹے چور پکڑے جاتے ہیں،چوروں کو برا نہیں سمجھا جاتا، جب ملک کا لیڈر ہی پیسا چوری کرنا شروع کردے اس سے بڑا اللّٰہ کا عذاب کسی انسان پر نہیں آسکتا۔

اجلاس میں وفاقی وزراء اسد عمر، خسرو بختیار، سید فخر امام، مشیر خزانہ شوکت ترین کے علاوہ دیگر افسران نے شرکت کی۔

دوسری جانب وزیراعظم عمران خان نے جہلم میں القادر یونیورسٹی کے اکیڈمک بلاک کا افتتاح کیا، تقریب سے خطاب کے دوران وزیراعظم عمران خان نے نام لیے بغیر سابق وزیر اعظم نواز شریف پر تنقید کی تھی۔

بشکریہ جنگ