وزیراعظم کا نتھیا گلی سمیت گلیات کو سیاحتی مرکز بنانے کا پلان

وزیراعظم عمران خان نے نتھیا گلی سمیت گلیات کو سیاحتی مرکز بنانے کا پلان بنالیا۔

ذرائع کے مطابق وزیراعظم کے پلان کے تحت گلیات میں جدید سہولتیں پبلک پرائیوٹ پارٹنر شپ کے تحت مہیا کی جائیں گی۔

ذرائع کے مطابق نتھیا گلی کے قریب گلیات میں عالمی معیار کا تھیم پارک بنایا جائے گا، جس میں چڑیا گھر اور بچوں کے گیمز کی سہولتیں موجود ہوں گی۔

ذرائع کے مطابق گلیات کے سیاحتی مرکز میں ہوٹلز، انٹرنیشنل فوڈ برانچز، پارکس، چیئر لفٹ اور اسکیٹنگ متعارف کرائی جائے گی۔

پلان کے تحت ایوبیہ خانس پور میں کرکٹ اسٹیڈیم کو بھی میچز کے لیے کھول دیا جائے گا۔

ذرائع کے مطابق وزیراعظم عمران خان اسی پلان کے تحت کل نتھیا گلی میں فائیو اسٹار ہوٹل کا افتتاح کریں گے۔

بشکریہ جنگ