وزیراعظم نے پارٹی رہنماؤں اور ترجمانوں کا اجلاس طلب کرلیا

وزیراعظم عمران خان نے پارٹی رہنماؤں اور ترجمانوں کا اجلاس کل طلب کرلیا ہے۔ 

ذرائع کا کہنا ہے کہ وزیراعظم کی زیر صدارت یہ اجلاس وزیراعظم ہاؤس میں کل دوپہر ڈھائی بجے ہوگا۔

وزیراعظم نے کہا کہ ہم چاہتے ہیں اختیارات کی منتقلی نچلی سطح پر ہو، عوام کے مسائل نچلی سطح پرحل کرنے کے لیے مضبوط بلدیاتی نظام دیا ہے۔

ذرائع نے بتایا کہ اجلاس میں ملکی سیاسی صورتحال اور کے پی الیکشن سے متعلق امور پر بات ہوگی۔

اس اجلاس میں پنجاب میں بلدیاتی انتخابات سے متعلق امور بھی زیر غور آئیں گے جبکہ وزیراعظم پارٹی رہنماؤں اور ترجمانوں کو اہم گائیڈ لائنز دیں گے۔

بشکریہ جنگ