وزیراعظم نے سینئر ارکان کی عشائیہ میں غیرحاضری کا نوٹس لے لیا

وزیر اعظم عمران خان نے بجٹ منظوری کے لیے تمام ارکان کو آج قومی اسمبلی اجلاس میں شرکت کی ہدایت کردی۔

ذرائع کے مطابق عشائیہ میں مسلم لیگ ( ق) کے طارق بشیر چیمہ سمیت کئی سینئر ارکان کی عدم شرکت پر وزیر اعظم نے نوٹس لے لیا۔

وزیر اعظم عمران خان نے عامر ڈوگر اور پرویز خٹک سے تفصیلات مانگ لیں۔

واضح رہے کہ گزشتہ روز وزیراعظم ہاؤس میں حکومتی اور اتحادی ارکان پارلیمنٹ کے اعزاز میں وزیر اعظم عمران خان کی جانب سے عشائیہ دیا گیا تھا۔

ذرائع کا کہنا ہے کہ عشائیے میں وزیراعظم، چیئرمین سینیٹ، اسپیکر قومی اسمبلی، وفاقی وزراء اور اتحادی ارکان شریک ہوئے تھے۔

بشکریہ جنگ