وزیراعظم عمران خان نے ٹیکس چوری اور مہنگائی کی وجہ بتادی

وزیراعظم عمران خان نے کہا ہے کہ لوگ ٹیکس نہیں دیتے جس کے باعث ملک کو اربوں روپے کا نقصان ہوتا ہے۔

کابینہ اجلاس سے خطاب میں وزیراعظم عمران خان نے ٹیکس نظام پر بھی اظہار خیال کیا اور کہا کہ لوگوں کے ٹیکس نہ دینے کی وجہ سے ان ڈائریکٹ ٹیکس لگانے پڑتے ہیں۔

انہوں نے کہا کہ ٹریک اینڈ ٹریس ٹیکس نظام نہ ہونے اور ٹیکس چوری کی وجہ سے ان ڈائریکٹ ٹیکس لگانا پڑتے ہیں، جس سے مہنگائی بڑھتی ہے۔

وزیراعظم نے مزید کہا کہ پچھلے 15سال سے ایف بی آر کوشش کررہا ہے کہ ٹریک اینڈ ٹریس سسٹم لایا جائے۔

اُن کا کہنا تھا کہ ایف بی آر جب بھی ٹریک اینڈ ٹریس سسٹم لانے کی کوشش کرتا ہے، ہر بار اس کے اقدام کو سبوتاژ کیا جاتا ہے۔

عمران خان نے یہ بھی کہا کہ معیشت کے چند بڑے سیکٹرز میں ٹیکس چوری ہو رہی ہے، ٹیکس نہ دینے کی وجہ سے ملک کا اربوں روپے کا نقصان ہوتا ہے۔

بشکریہ جنگ