نیب کراچی سے ہائی پروفائل کیسز کے تفتیشی افسران کے تبادلے

قومی احتساب بیورو (نیب) کراچی سے ہائی پروفائل کیسز کے تفتیشی افسران کے تبادلے کردیے گئے۔

ذرائع کا کہنا ہے کہ آغا سراج درانی کیس کے تفتیشی افسر آصف رضا کا لاہور تبادلہ کردیا گیا ہے۔

آمدن سے زائد اثاثوں کے ریفرنس میں سندھ ہائی کورٹ نے اسپیکر سندھ اسمبلی کی درخواست ضمانت مسترد کی تھی۔

ڈاکٹر عاصم اور دفاعی اداروں کا ایندھن چوری کیس کے تفتیشی افسر کا بھی تبادلہ کردیا گیا۔

نیب ذرائع کا کہنا ہے کہ فتح گمبھیر کا تبادلہ نیب کراچی سے نیب پشاور کردیا گیا۔

بشکریہ جنگ