نگراں کابینہ کی تشکیل کیلئے مشاورت تیز

نگراں وزیرِ اعظم انوارالحق کاکڑ نے نگراں کابینہ کی تشکیل کے لیے مشاورت تیز کر دی۔

ذرائع کے مطابق نگراں وزیرِ اعظم نے تمام شخصیات کے پروفائل کا خود جائزہ لینے کا فیصلہ کیا ہے۔

نگراں وزیرِ اعظم انوارالحق کاکڑ نے مختصر کابینہ رکھنے کا بھی فیصلہ کیا ہے۔

ذرائع کے مطابق نگراں وزیرِ اعظم نے رفقا سے گفتگو میں کہا ہے کہ معاشی مشکلات کے شکار ملک پر مزید بوجھ نہیں ڈالنا چاہتا۔

اسلام آبادانوار الحق کاکڑ نے ملک کے نگراں وزیر…

انہوں نے کہا کہ میرا پروٹوکول کم سے کم رکھا جائے، اخراجات اور لوگوں کو تکلیف نہ ہو۔

ذرائع کا بتانا ہے کہ اس وقت نگراں وزراء کے ناموں پر غور جاری ہے، جلیل عباس جیلانی، شعیب سڈل، احسن بھون، سرفراز بگٹی اور ذوالفقار چیمہ کے نام زیر غور ہیں۔

محمد علی درانی کو وزارت اطلاعات کا قلمدان دیے جانے کا امکان ہے۔

بشکریہ جنگ