نگراں وزیراعلیٰ خیبرپختونخوا محمد اعظم خان نے منصب سنبھال لیا

محمد اعظم خان نے نگراں وزیراعلیٰ خیبرپختونخوا کا منصب سنبھال لیا، انہیں وزیراعلیٰ سیکریٹریٹ میں گارڈ آف آنر پیش کیا گیا۔

نگراں وزیراعلیٰ نے کہا کہ صوبے میں صاف اور شفاف انتخابات ترجیح ہیں۔

ان کا کہنا تھا کہ انتخابات کرانا الیکشن کمیشن کی ذمہ داری ہے، صوبائی حکومت الیکشن کمیشن کو تعاون فراہم کرے گی۔

اعظم خان نے کہا کہ صوبے میں امن و امان کا مسئلہ ہے، کوشش کریں گے کہ امن قائم رکھیں۔

انہوں نے کہا کہ وفاقی حکومت سے صوبہ کے بقایاجات کا مسئلہ بھی اٹھائیں گے۔

وزیراعلیٰ کا کہنا تھا کہ این ایف سی، این ایچ پی اور ضم اضلاع کے فنڈز کا معاملہ وفاقی حکومت کے ساتھ اٹھائیں گے۔

انہوں نے مزید کہا کہ کوشش کریں گے کہ بہتر طرزِ حکمرانی کو فروغ دیں۔

بشکریہ جنگ