نوواک جوکووچ کی آسٹریلیا سے بےدخلی پر’میمز‘ بننے لگیں

عالمی نمبر ون ٹینس اسٹار جوکووچ کو آسٹریلیا میں روکے جانے پر دلچسپ میمز کا سلسلہ جاری ہے۔

انٹرنیٹ پر ایک شخص نے ازراہ مزاح بچے کی ہینڈ رائٹنگ میں i am vaccinated لکھا۔

ایک تصویر پر تبصرہ تھا جوکووچ آسٹریلیا کو یہ بات سمجھاتے رہے ہیں کہ انہیں کورونا ویکسین سے طبی بنیادوں پر استثنا حاصل ہے۔

ایک شخص نے امیگریشن آفیسر کے روپ میں روایتی حریف راجر فیڈرر کو دکھایا۔

عالمی نمبر ایک ٹینس کھلاڑی نوواک جوکووچ نے ملک بدری کے معاملے پر عدالت سے رجوع کرلیا۔

واضح رہے کہ آسٹریلیا نے کورونا وائرس کے سخت قوانین کو پورا نہ کرنے پر عالمی نمبر ایک ٹینس کھلاڑی نوواک جوکووچ کا ویزا منسوخ کر کے انہیں ڈی پورٹ کرنے کا فیصلہ کیا ہے۔

غیرملکی میڈیا رپورٹس کے مطابق نوواک جوکووچ نے ویزے کی منسوخی کے خلاف آسٹریلوی عدالت سے رجوع کرلیا ہے۔

بشکریہ جنگ