نواز شریف سے ملنے نوعمر ’جبرا فین‘ کے پی سے لندن پہنچ گیا

پاکستان مسلم لیگ ن کے بانی رہنما، میاں محمد نواز شریف سے ملنے اُن کا نوعمر جبرا فین خیبرپختونخوا سے لندن پہنچ گیا۔

 مائیکرو بلاگنگ ویب سائٹ ٹوئٹر پر نواز شریف کے حمایتی اور لیگی کارکن نے ایک تصویر شیئر کی ہے، اس تصویر میں میاں محمد نواز شریف کو کے پی سے آنے والے اپنے نوعمر فین سے خوشگوار ماحول میں ملتے ہوئے دیکھا جا سکتا ہے۔

راشد نصراللّٰہ نامی اس صارف کا اپنی پوسٹ میں لکھنا ہےکہ ’نہم جماعت کا طالبعلم اپنے والدین کے ہمراہ خیبرپختونخوا سے لندن یہ دلی خواہش لے کر آیا کہ شاید اس کی ملاقات اس شخصیت سے ہو جائے جس نے پاکستان کو خوشحالی اور ترقی کی راہ پر گامزن کیا تھا‘۔

واضح رہے کہ میاں محمد نواز شریف علاج کی غرض سے عرصہ دراز سے بیرون ملک لندن میں مقیم ہیں۔

نویں کلاس کے طالبِ علم کا کے پی کے سے لندن نواز شریف سے ملنے جانا یہ ثابت کرتا ہے کہ نواز شریف ملک سے باہر رہ کر بھی پاکستانیوں کے دلوں میں تاحال گھر کیے ہوئے ہیں۔

بشکریہ جنگ