نسلہ ٹاور کیس میں ذمہ داران کے خلاف مقدمے کا معاملہ پولیس کے لئے درد سر بن گیا
نسلہ ٹاور کیس میں ذمہ داران کے خلاف مقدمے کا معاملہ پولیس کے لئے درد سر بن گیا۔ پولیس حکام صبح سے ملزمان کو لیکر عدالتوں کے چکر لگاتے رہے، عدالت نے پولیس کو ملزمان کا جسمانی ریمانڈ دینے سے انکار کردیا۔
عدالت نے پولیس کو اینٹی کرپشن کی دفعات کے تحت مقدمہ درج کرنے پر مطمئن کرنے کا حکم دے دیا۔
پولیس حکام نے پہلے ملزمان کو جوڈیشل مجسٹریٹ جنوشرقی کی عدالت میں ڈپٹی ڈائریکٹر کے ایم سی کو پیش کیا تھا جوڈیشل مجسٹریٹ نے اینٹی کرپشن عدالت سے رجوع کرنے کا حکم دیا تو پتہ چلا کہ اینٹی کرپشن عدالت کی جج کی رخصت کے باعث ملزمان کو لنک جج ایڈیشنل ڈسٹرکٹ اینڈ سیشن جج جنوبی کی عدالت میں پیش کیا گیا۔
عدالت نے ملزمان کا ریمانڈ دینے سے انکار کردیا عدالت نے کہا کہ پولیس کو اینٹی کرپشن کی دفعات کے تحت مقدمہ درج کرنے کا اختیار نہیں ہے بتایا جائے پولیس نے اینٹی کرپشن کے دفعات کے تحت مقدمہ کیسے درج کیا؟ جس پر پولیس وضاحت دینے میں ناکام رہی۔
بعد ازاں پولیس ملزمان وسیم شیخ اور نوید بشیر کو تھانہ فیروز آباد پولیس واپس تھانے لے گئی۔
Comments are closed.