میں سپریم کورٹ میں گیا ہوں، آخری گیند تک ان چوروں کا مقابلہ کروں گا، عمران خان

پاکستان تحریک انصاف (پی ٹی آئی) کے چیئرمین اور سابق وزیر اعظم عمران خان کا کہنا ہے کہ شہباز حکومت کے آتے ہی نیب قانون میں ترمیم کی گئی، میں سپریم کورٹ میں گیا ہوں، آخری گیند تک ان چوروں کا مقابلہ کروں گا۔

فیصل آباد میں انتخابی جلسے سے خطاب کرتے ہوئے عمران خان نے کہا کہ  مشرف کے دور میں ان ڈاکوؤں نے این آر او لیا، اس بار پھر انہوں نے 1100 ارب روپے کا ڈاکہ مارا، 1100 ارب روپے کسی صورت ہضم نہیں کرنے دوں گا، میں کپتان ہوں اور آپ میری ٹیم ہیں۔

عمران خان ڈی جی خان جلسے میں جب لوٹوں کا ذکر کر رہے تھے، سیف الدین کھوسہ ساتھ کھڑے تھے۔

عمران خان نے کہا کہ  سازش کر کے چوروں کو ہمارے اوپر بٹھایا گیا، کیا امریکا پاکستانیوں کا خیرخواہ ہے اور بہتری چاہتا ہے؟ امریکا چاہتا ہے ہم اس کی غلامی کریں، جو وہ کہے پاکستان کرے، امریکی جنگ میں 80 ہزار پاکستانی مارے گئے،  آج بھی ہماری فوجی سرحدوں پر قربانی دے رہے ہیں۔

سابق وزیر اعظم نے کہا کہ اس ملک میں ہونے والی سازش کو میر جعفر اور میر صادق نے کامیاب کروایا، ہم امریکا سمیت کسی سے دشمنی نہیں چاہتے، لیکن ہم کسی کی غلامی نہیں کریں گے۔

بشکریہ جنگ