ملک کی نازک صورتحال میں کچھ سیاسی نابالغوں کو اپنی پڑی ہے، اسعد محمود

وفاقی وزیر مواصلات مولانا اسعد محمود نے کہا ہے کہ ملک نازک صورتحال سے گزر رہا ہے اور کچھ سیاسی نابالغوں کو اپنی پڑی ہے۔

بھکر میں پارٹی رہنماؤں سے ملاقات میں مولانا اسعد محمود نے کہا کہ حکومت ملک کو معاشی بحرانوں سے نکالنے کے لیے کام کر رہی ہے۔

انہوں نے کہا کہ سابقہ حکومت کے دور میں نوکریاں دینے کا وعدہ کر کے لوگوں کو بےروزگار کردیا گیا، روزگار فراہم کرنا ہماری حکومت کی اولین ترجیح ہے۔

وفاقی وزیر نے مزید کہا کہ ملک نازک صورتحال سے گزر رہا ہے اور کچھ سیاسی نابالغوں کو اپنی سیاست کی پڑی ہے۔

ان کا کہنا تھا کہ جے یو آئی نے ٹرانسجینڈر بل سے متعلق ترامیم سینیٹ میں جمع کروادی ہیں۔

بشکریہ جنگ