ملک میں ایک تولہ سونے کی قیمت 500 روپے کم ہوگئی

ملک میں ہفتے کو سونے کی فی تولہ قیمت 500 روپے کم ہوئی ہے۔

سندھ صرافہ بازار جیولرز ایسوسی ایشن کے مطابق 500 روپے کمی کے بعد ملک میں سونے کی فی تولہ قیمت ایک لاکھ 10 ہزار روپے ہوگئی ہے۔

صرافہ ایسوسی ایشن کے مطابق 10 گرام سونے کی قدر 429 کم ہو کر 94 ہزار 307 روپے ہے۔

انٹربینک تبادلہ مارکیٹ میں کاروبار کے اختتام پر ڈالر کی قدر 162 روپے 43 پیسے ہے۔

ایسوسی ایشن کے مطابق عالمی صرافہ مارکیٹ میں سونے کی قدر 8 ڈالر کم ہو کر ایک ہزار 814 ڈالر فی اونس ہے۔

بشکریہ جنگ