مخالفین بتائیں کس نشست پر دھاندلی ہوئی ہے، خورشید شاہ

وفاقی وزیر آبی وسائل خورشید شاہ نے کہا ہے کہ ایم کیو ایم اور تحریک انصاف بتادیں کس کس نشست پر دھاندلی ہوئی ہے۔

انہوں نے کہا کہ مخالفین سکھر، لاڑکانہ اور نواب شاہ کے جس حلقے پر انگلی رکھیں، دوبارہ پولنگ کرائیں گے۔

خورشید شاہ کا کہنا تھا کہ اگر دوبارہ پولنگ میں بھی یہ ہی رزلٹ نکلا تو خود بتائیں الزام تراشی کی کیا سزا ہوگی؟

گھوٹکی میں ضلع کونسل کی 66 میں سے 14 نشستوں کے نتائج سامنے آئے ہیں جن میں سے 11 نشستیں جی ڈی اے نے جیت لی ہیں۔

واضح رہے کہ سندھ کے 14 اضلاع میں ہونے والے بلدیاتی انتخابات میں پیپلز پارٹی نے 13 اضلاع میں کامیابی حاصل کی ہے۔

بشکریہ جنگ