محمد نواز نیوزی لینڈ کیخلاف چوتھا ون ڈے میچ نہیں کھیلیں گے

پاکستان اور نیوزی لینڈ  کے درمیان آج کھیلے جانے والے چوتھے ون ڈے میچ کے لیے آل راؤنڈر محمد نواز دستیاب نہیں ہوں گے۔

پاکستان کرکٹ بورڈ کے مطابق محمد نواز انجری کی وجہ سے چوتھے ون ڈے کے لیے دستیاب نہیں ہیں۔

کراچی کے نیشنل بینک کرکٹ ایرینا میں کھیلے جانے والے سیریز کے تیسرے ون ڈے میچ میں محمد نواز کو بولنگ کرواتے ہوئے انگلی میں چوٹ آئی تھی۔

واضح رہے کہ پاکستان کو 5 ون ڈے میچوں کی سیریز میں تین صفر کی فیصلہ کُن برتری حاصل ہے۔

بشکریہ جنگ