مجھے نگراں یا سیاسی حکومت میں کوئی عہدہ نہیں چاہیے، شبر زیدی

سابق چیئرمین فیڈرل بورڈ آف ریونیو (ایف بی آر) شبر زیدی نے کہا ہے کہ میں میڈیا پر کہہ چکا ہوں مجھے نگراں یا سیاسی حکومت میں کوئی عہدہ نہیں چاہیے۔

سماجی رابطے کی ویب سائٹ ٹوئٹر پر جاری کیے گئے بیان میں سید شبر زیدی نے کہا ہے کہ میں اپنی ضعیف والدہ کی وجہ سے کراچی نہیں چھوڑ سکتا۔

انہوں نے کہا کہ میں اپنی آئندہ زندگی پیشہ ورانہ کام اورکتابیں لکھنے میں گزارنا چاہتا ہوں۔

سید شبر زیدی کا کہنا ہے کہ میں ایس آئی یوٹی کے لیےکام کرنا چاہتا ہوں، میں اپنی آئندہ زندگی اسلام آباد میں ضائع نہیں کرنا چاہتا۔

بشکریہ جنگ