ق لیگ کے کارکنوں کی چوہدری شجاعت کے گھر کے باہر نعرے بازی

پاکستان مسلم لیگ (ق) کے کارکنوں نے گلبرگ میں چوہدری شجاعت کی رہائش گاہ کے باہر احتجاج کرتے ہوئے نعرے بازی کی۔

مونس الہٰی نے کہا کہ میں ماموں کےپاس گیا تھا، انہوں نے ویڈیو پیغام ریکارڈ کرنے سے انکار کیا۔

مسلم لیگ ق کے کارکنوں نے کہا کہ آصف زرداری کا راستہ روکنے کے لیے آئے ہیں، یہ کراچی نہیں پنجاب ہے، یہاں وہ حساب نہیں چلے گا۔

ق لیگ کے کارکنان کا کہنا تھا کہ ہمارے وزیر اعلیٰ چوہدری پرویز الہٰی ہیں، آصف زرداری بار بار چوہدری شجاعت کو پریشان کرنے آجاتے ہیں۔

ق لیگ کے کارکنان نے وزیر اعلیٰ پرویز الہٰی کے حق میں جبکہ گو زرداری گو کے نعرے بھی لگائے۔

بشکریہ جنگ