ق لیگ نے 40 کروڑ روپے کی پیشکش کی ہے، خاتون لیگی رکن کا دعویٰ

پاکستان مسلم لیگ (ن) سے تعلق رکھنے والی ایک اور رکن اسمبلی نے مسلم لیگ (ق) پر پیسوں کی پیشکش کرنے کا الزام عائد کردیا۔

پی ٹی آئی چیئرمین نے کہا کہ آصف زرداری کرپشن سے لوٹی رقم سے لوگوں کو خرید رہے ہیں، آصف زرداری کو جیل میں ہونا چاہیے۔

جیو نیوز سے گفتگو کرتے ہوئے ن لیگ کی رکنِ پنجاب اسمبلی سنبل مالک نے انکشاف کیا ہے کہ انہیں مسلم لیگ (ق) کی جانب سے 40 کروڑ روپے کی آفر کی گئی ہے۔

انہوں نے کہا کہ ان کے کسی جاننے والے کی جانب سے پیغام بھیجا گیا، جس کا نام وہ وقت آنے پر بتائیں گی۔

سنبل مالک نے یہ بھی کہا کہ وہ مسلم لیگ (ن) کا ساتھ ہی دیں گی۔

یاد رہے کہ گزشتہ روز پاکستان مسلم لیگ (ن) کے ایک اور رکن کی جانب سے انہیں 10 کروڑ روپے کی پیشکش ملنے کا دعویٰ سامنے آیا تھا۔

رکن پنجاب اسمبلی الیاس چنیوٹی کا کہنا تھا کہ انہیں مسلم لیگ (ق) اور پی ٹی آئی کی طرف سے 10 کروڑ روپے کی آفر کی گئی جو انہوں نے ٹھکرا دی۔

الیاس چنیوٹی کا کہنا تھا کہ ان کے ساتھ سعودی عرب میں بھی رابطے کی کوشش کی گئی، ایئرپورٹ پر اترے تب سے انہیں کالز آ رہی ہیں۔

ان کا کہنا تھا کہ پہلے مرحلے میں ان کے جاننے والے کے ذریعے رابطہ کیا گیا تھا اور ان کو کہا گیا 2 کروڑ آپ لیں، 10 کروڑ میں ڈیل کروا دیں۔

بشکریہ جنگ