قومی ٹی ٹوئنٹی اسکواڈ میں دو نئے قلندرز کی شمولیت پر جشن

مزید دو قلندرز کی قومی ٹی ٹوئنٹی اسکواڈ میں شمولیت پر لاہور قلندرز کے تمام کھلاڑیوں اور سپورٹ اسٹاف نے جشن منایا۔ دفاعی چیمپئن نے لاہور کے ٹیم ہوٹل میں کیک بھی کاٹا۔

عبداللّٰہ شفیق اور زمان خان افغانستان کے خلاف سیریز کے لیے اعلان کردہ اسکواڈ میں شامل ہوگئے جس پر قلندرز کی ٹیم نے جشن منایا۔

اس موقع پر گفتگو کرتے ہوئے سی او او اور ٹیم منیجر ثمین رانا کا کہنا تھا کہ فائنل سے پہلے یہ ہمارے لیے بہت بڑی خوشخبری ہے۔

ٹیم ڈائریکٹر عاقب جاوید کا کہنا تھا کہ آج زمان خان اور عبداللّٰہ شفیق کا آٹوگراف لینا چاہتا ہوں۔

کپتان شاہین شاہ آفریدی نے کہا کہ پلیئرز ڈیولپمنٹ پروگرام (پی ڈی پی) کا مزید ایک کھلاڑی کے پاکستان ٹیم میں جگہ بنانے پر ہم سب ثمین رانا اور عاقب جاوید کے شکرگزار ہیں۔

ان کا کہنا تھا کہ زمان خان پر فخر ہے، بابراعظم کے بعد اگر کوئی بیٹر ہے تو وہ عبداللّٰہ شفیق ہے۔

بشکریہ جنگ