قومی اسمبلی میں انتخابات کیلئے 21 ارب جاری کرنے کی تحریک مسترد

قومی اسمبلی نے انتخابات کےلیے 21 ارب روپے جاری کرنے کی تحریک مسترد کردی۔

وزیر قانون اعظم نذیر تارڑ  نے ایوان میں 21 ارب روپے کے اجراء کی تحریک پیش کی۔

وزیر مملکت خزانہ عائشہ غوث پاشا نے کہا کہ مختص بجٹ کے علاوہ اضافی فنڈ دستیاب نہیں ہیں۔

قومی اسمبلی کے ایوان نے انتخابات کے لیے 21 ارب کے اجرا کی تحریک مسترد کردی۔

اسپیکر قومی اسمبلی نے کہا کہ ایوان سے 21 ارب روپے کی گرانٹ پر مزید رائے لی جائے گی۔

یاد رہے کہ پنجاب میں انتخابات کیلئے فنڈز کے اجرا کے حوالے سے 14 اپریل کو سپریم کورٹ نے تحریری حکم جاری کرتے ہوئے گورنر اسٹیٹ بنک کو 17 اپریل تک الیکشن کمیشن کو 21 ارب روپے کے فنڈز جاری کرنے کا حکم دیا تھا۔

بشکریہ جنگ