جمعہ29؍ربیع الثانی 1444ھ25؍نومبر 2022ء

فیفا ورلڈ کپ میں برازیل کا شاندار آغاز، سربیا کو 0-2 سے شکست

فیفا ورلڈ کپ 2022 کے دلچسپ میچز جاری ہیں، گروپ جی میں برازیل نے اپنے پہلے میچ میں سربیا کو 2 گول سے شکست دیکر ایونٹ میں شاندار آغاز کیا ہے۔

قطر کے لوسیل اسٹیڈیم میں کھیلے گئے میچ کے شروع میں ہی برازیل کی ٹیم نے اپنے حریف کے گول پر تواتر سے حملے کیے لیکن پہلے ہاف میں انہیں کامیابی نہیں مل سکی۔

قطر کے اسٹیڈیم 974 میں ہونے والا میچ انتہائی دلچسپ رہا جہاں پرتگال کے حصے میں 2-3 سے کامیابی آئی لیکن گھانا نے بھی عمدہ کھیل کا مظاہرہ کیا۔

میچ کے دوسرے ہاف میں برازیل کے کھلاڑیوں نے اپنے تجربے کا فائدہ اٹھاتے ہوئے حریف ٹیم کے گول پر مسلسل حملے کیے۔

برازیل کے رچرلیسن نے 62 ویں منٹ میں گول کرکے اپنی ٹیم کی پوزیشن مستحکم کی جبکہ رچرلیسن نے ہی 73 ویں منٹ میں ایک اور گول کی برتری کا اضافہ کرکے برازیل کی کامیابی کو یقینی بنایا۔

دوسری جانب سربیا کی ٹیم میچ کے دوران بے بس نظر آئی اور کوئی گول نہ کرسکی۔

بشکریہ جنگ
You might also like

Comments are closed.