جمعہ29؍ربیع الثانی 1444ھ25؍نومبر 2022ء

فٹ بال ورلڈ کپ: گروپ اے میں نیدرلینڈز اور ایکواڈور کا میچ برابر

فیفا فٹ بال ورلڈ کپ 2022ء قطر کے گروپ اے کے میچ میں نیدرلینڈز اور ایکواڈور کا میچ ایک، ایک گول سے برابر ہوگیا۔

خلیفہ انٹرنیشنل اسٹیڈیم میں کھیلے گئے میچ میں نیدرلینڈز کی ٹیم نے جارحانہ آغاز کیا اور میچ کے چھٹے منٹ میں ہی برتری حاصل کرلی۔

فیفا فٹ بال ورلڈ کپ 2022ء قطر کے گروپ میچ میں سینیگال نے میزبان قطر کو 3-1 سے شکست دے دی۔

نیدرلینڈز کے کھلاڑی گیکپو نے کلاسین کے پاس پر گول کیا۔ اس کے بعد پہلے ہاف میں مزید کوئی گول نہ ہوسکا۔

پہلے ہاف کے اختتام پر نیدرلینڈز کو ایک صفر کی برتری حاصل رہی، دوسرے ہاف کے پہلے 4 منٹ میں ہی ایکواڈور کے ایزن ویلنشیا نے گیند نیدرلینڈز کے جال میں پہنچا کر میچ برابر کردیا۔

اس کے بعد دونوں ٹیموں نے گول کرنے کی سرتوڑ کوشش کی مگر کامیابی کسی کو نہ مل سکی، یوں میچ ایک، ایک کی گول سے برابری پر ختم ہوا۔

گروپ اے کی چاروں ٹیموں نے اپنے 2، 2 میچز کھیل لیے ہیں، نیدرلینڈز اور ایکواڈور کے 4،4 پوائنٹس اور سینیگال کے 3 پوائنٹس ہیں جبکہ میزبان قطر کوئی پوائنٹس نہ ہونے پر چوتھے نمبر پر براجمان ہے۔

فٹ بال ورلڈ کپ 2022ء قطر میں گروپ بی کے اہم میچ میں سنسنی خیز مقابلے کے بعد ایران نے ویلز کو 2 – صفر سے شکست دے دی۔

گروپ اے میں دلچسپ صورتحال ہوگئی ہے، اگر نیدرلینڈز اور ایکواڈور، قطر اور سینیگال کے خلاف اپنے میچز جیت جاتی یا ڈرا کرنے میں کامیاب رہتی ہیں تو یہ 5،5 پوائنٹس کی بنیاد پر براہ راست اگلے مرحلے میں چلی جائیں گی۔

اگر اگلے میچ میں ایکواڈور کو سینیگال شکست دے دیتی ہے تو وہ 6 پوائنٹس ہونے پر اگلے مرحلے میں جائے گی اور حریف ٹیم کو واپسی کا ٹکٹ مل جائے گا۔

بشکریہ جنگ
You might also like

Comments are closed.