فضل الرحمٰن کی ہدایت پر جے یو آئی لاہور کا ہنگامی اجلاس

اپوزیشن اتحاد کے سربراہ مولانا فضل الرحمٰن کی ہدایت پر جمعیت علماء اسلام (ف) لاہور کا ہنگامی اجلاس ہوا۔

اجلاس امیر جے یو آئی لاہور مولانا نعیم الدین کی زیر صدارت منعقد ہوا، جس میں مدارس کا دورہ کرنے کے لیے 3 رکنی کمیٹی تشکیل دی گئی۔

جے یو آئی لاہور کے اجلاس کے حوالے سے جاری بیان میں مولانا نعیم الدین نے کہا کہ اس موقع پر ٹھوکر نیاز بیگ پہنچنے کے لیے حکمت عملی تیار کی گئی۔

انہوں نے کہا کہ ہر تحصیل کے کارکنوں کو کم از کم 50 گاڑیوں کے ہمراہ جلوس میں شرکت کرنے کی ہدایت کی گئی ہے۔

مولانا نعیم الدین نے مزید کہا کہ جے یو آئی کارکن صبح 9 بجے ٹھوکر نیاز بیگ پر جمع ہوں گے۔

بشکریہ جنگ