بدھ14؍شوال المکرم 1442ھ26؍مئی 2021ء

فروری کا بل عوام کی چیخیں نکال دے گا، مفتاح اسماعیل

اپوزیشن جماعت پاکستان مسلم لیگ (ن) کے سینئر رہنما اور سابق وفاقی وزیر مفتاح اسماعیل نے کہا ہے کہ فروری کا بل آئے گا تو عوام کی چیخیں نکل جائیں گی۔

کراچی میں میڈیا سے گفتگو میں مفتاح اسماعیل نے کہا کہ نئے ٹیرف کے مطابق گھریلو صارفین کے لئے 23 روپے یونٹ ہے۔

انہوں نے کہا کہ بجلی کا فی یونٹ انڈسٹریز کے لئے 22 روپے کا ہے، مسلم لیگ ن بجلی کی نئی قیمتوں کو مسترد کرتی ہے۔

ن لیگی رہنما نے مزید کہا کہ اتنی منہگائی کے باوجود بھی ملک میں سرکلر ڈیٹ برقرار یے، 15 دن میں ڈالر 30 پیسے بڑھا ہے۔

اُن کا کہنا تھا کہ فیول ایڈجسٹمنٹ چارجز کے نام پر عوام کی جیب پر ڈاکا ڈالا جارہا ہے، ایل این جی سے یہ قیمت 6 روپے سے زیادہ نہیں ہوتی۔

مفتاح اسماعیل نے یہ بھی کہا کہ ڈیزل کی بجلی 20 روہے اور فرنس ائل کی 22 روپے ہوتی یے، تحریک انصاف کی بدعنوانی کی قیمت عوام کیوں دیں؟

ن لیگی رہنما نے کہا کہ 4 روپے 32 پیسے قیمت بڑھی تو مہنگائی کا طوفان آئے گا۔

بشکریہ جنگ
You might also like

Comments are closed.