عون چوہدری نے نواز شریف کو پنجاب میں تبدیلی سے متعلق اراکین کی تعداد سے آگاہ کیا

پاکستان مسلم لیگ (ن) کے قائد نواز شریف سے ملاقات کے دوران عون چوہدری نے پنجاب میں تبدیلی سے متعلق لیگی اراکین کی تعداد کے بارے میں نواز شریف کو آگاہ کیا۔

ذرائع کے مطابق سیاسی رہنماؤں کی اس ملاقات میں پنجاب حکومت کے حوالے سے بات چیت کی، جبکہ عون چوہدری اس اہم ملاقات میں شرکت کیلئے لندن آئے ہیں۔

 وزیراعظم شہباز شریف کے مشیر عون چوہدری کی نواز شریف سے دو گھنٹے تک ملاقات ہوئی۔

نواز شریف اور عون چوہدری کی ملاقات میں پنجاب اور وفاق سے متعلق خصوصی بات چیت کی گئی۔

سابق وزیراعظم نواز شریف کی اہم ہدایات لے کر عون چوہدری کل پاکستان  کیلئے روانہ ہوں گے۔

عون چوہدری نے سیلاب زدگان کی بحالی اور مہنگائی پر کنٹرول سے متعلق اقدامات پر بریفنگ بھی دی۔

بشکریہ جنگ