عمران کی پرویز الہٰی کی رہائشگاہ پر پولیس حملے کی مذمت

چیئرمین پی ٹی آئی عمران خان کا کہنا ہے کہ چوہدری پرویز الہٰی کی رہائشگاہ پر پولیس حملے کی مذمت کرتا ہوں۔

عمران خان نے اپنے ایک بیان میں کہا کہ ‏پی ٹی آئی اور اس کے سپورٹرز کے خلاف روا رکھی گئی یزیدیت کی کوئی حد نہیں۔

انہوں نے کہا کہ یہ خوش فہمی کا شکار ہیں کہ اس سے تحریک انصاف کمزور ہوجائے گی۔

پی ٹی آئی چیئرمین کا کہنا تھا کہ سیاسی جماعت تب کمزور ہوتی ہے جب عوام کی تائید سے محروم ہو۔

انہوں نے مزید کہا کہ عوام کے دلوں میں تحریک انصاف کیلئے ہمدردیاں بڑھ رہی ہیں۔

واضح رہے کہ پی ٹی آئی کے صدر پرویز الہٰی کو گرفتار کرنے کے لیے گزشتہ روز پولیس ظہور الہٰی ہاؤس میں گئی۔

ایس ایس پی صہیب اشرف اور ایس پی عمارہ شیرازی پرویز الہٰی کے گھر میں داخل ہونے والوں میں شامل تھے جبکہ ڈائریکٹر اینٹی کرپشن عمران احمر بھی پولیس افسران کے ساتھ تھے۔

بشکریہ جنگ