عمران شکست کے بعد مداحوں کو لوگوں کی باتیں نہ سننے کے مشورے دیا کرتے تھے

وزیراعظم عمران خان ماضی میں جہاں اپنے مشن کے لیے اقتدار کو چھوٹی چیز قرار دے چکے ہیں، وہیں شکست کے بعد اپنے مداحوں کو لوگوں کی باتیں نہ سننے کے مشورے بھی دیتے آئے ہیں۔

وزیراعظم عمران خان ماضی میں مختلف مواقعوں پر مخالف کے سامنے ڈٹے رہنے یا پھر شکست کے بعد ردعمل سے بچنے کے گر بتاتے رہے ہیں، وہ کارکنان کو سمجھاتے رہے ہیں کہ ہارکر خود سے سوال کرنے والا ہی چیمپئن ہوتا ہے۔

عمران خان جب وزیراعظم کے عہدے پر فائز نہیں ہوئے تھے، تب میدان میں ہار اور جیت کے بعد رویوں کا فرق بھی بتایا کرتے تھے۔

وزیر اعظم کہتے تھے کہ میچ کرکٹ کا ہو یا سیاست کا اگر گراؤنڈ پر مدمخالف ہرادے، تو کہنے والوں کی کہا سنی کو کیسے ویل لیفٹ کرنا ہے۔

کبھی یہ وقت بھی آیا جب وزیراعظم نے کہا کہ ان کی نظر میں سب سے زیادہ اہمیت ان کے مشن کی ہے، اقتدار اور حکومت ان کے لیے بہت چھوٹی چیز ہے۔

بشکریہ جنگ