عمران سمجھتے ہیں غیر آئینی کام کر کے حکومت میں آسکتے ہیں: سعید غنی

پاکستان پیپلز پارٹی کے رہنما سعید غنی کا کہنا ہے کہ عمران خان سمجھتے ہیں وہ غیر آئینی کام کر کے حکومت میں آ سکتے ہیں۔

کراچی میں میڈیا سے بات کرتے ہوئے سعید غنی نے کہا کہ ایک آئینی ادارے کے سربراہ کی تعیناتی کو متنازع بنایا جا رہا ہے، عمران خان ذہنی طور پر ایک مفلوج آدمی ہے۔

انہوں نے کہا کہ عمران خان اور بھارتی میڈیا ایک پیج پر ہیں، پی ٹی آئی چیئرمین ملکی مفادات کا سودا کر رہا ہے۔

پاکستان پیپلز پارٹی کے رہنما سعید غنی نے کہا ہے کہ چیئرمین پی ٹی آئی عمران خان کو پاکستان کے لیے سب سے بڑا سیکیورٹی تھریٹ قرار دے دیا ہے۔

سعید غنی کا کہنا ہے کہ عمران خان نے دوست ممالک سے ملنے والے تحائف فروخت کر دیے، ان کو الیکشن کمیشن، میڈیا سب برے لگتے ہیں۔

صوبائی وزیر نے مزید کہا کہ اقتدار سے جاتے جاتے عمران خان ملک کے لیے بارودی سرنگیں بچھا گئے۔

ان کا یہ بھی کہنا ہے کہ پیپلز پارٹی نے سینیٹ کی خالی نشست پر وقار مہدی کو ٹکٹ دیا ہے۔

بشکریہ جنگ