عمران خان کی کل اسلام آباد کی مختلف عدالتوں میں پیشی

چیئرمین پاکستان تحریک انصاف (پی ٹی آئی) عمران خان کی کل اسلام آباد کی مختلف عدالتوں میں پیشی ہے۔

سابق وزیراعظم عمران خان کے خلاف کل ضلعی کچہری کی 2 مختلف عدالتوں میں کیسز مقرر ہیں، چیئرمین پی ٹی آئی کے خلاف توشہ خانہ کیس کی سماعت ایڈیشنل سیشن جج ظفر اقبال کریں گے۔

وفاقی حکومت نے توشہ خانہ کا 21 سال کا ریکارڈ جاری کردیا۔

سول جج رانا مجاہد رحیم کی عدالت میں خاتون جج کو دھمکانے کے کیس کی سماعت ہوگی۔

پی ٹی آئی لیگل ٹیم کے ذرائع کے مطابق توشہ خانہ کیس میں سیکیورٹی خدشات کے باعث استثنیٰ کی درخواست دائر کی جائے گی۔

ذرائع کے مطابق خاتون جج کو دھمکی کیس میں ویڈیو لنک کی درخواست کی بنیاد پر کل استثنیٰ مانگا جائے گا۔

پاکستان تحریک انصاف (پی ٹی آئی) کے وائس چیئرمین شاہ محمود قریشی نے کہا ہے کہ ہم ان کی چال میں نہیں پھنسیں گے۔

اسلام آباد ہائیکورٹ نے 7 مارچ کو توشہ خانہ کیس میں عمران خان کے وارنٹ گرفتاری منسوخ کرنے کا فیصلہ سنایا تھا۔

عدالت عالیہ اسلام آباد نے اپنے فیصلے میں عمران خان کو 13 مارچ کو سیشن عدالت میں پیش ہونے کا حکم دیا تھا۔

ایڈیشنل سیشن جج ظفر اقبال نے بھی اسی دن عمران خان کو 13 مارچ کو عدالت میں پیش ہونے کا حکم سنایا تھا۔

سیشن عدالت نے حکم دیا تھا کہ عمران خان توشہ خانہ کیس میں فرد جرم عائد کرنے کےلیے 13 مارچ کو پیش ہوں گے۔

بشکریہ جنگ