علی امین گنڈا پورکی ایک اور آڈیو سامنے آگئی

رہنما پی ٹی آئی علی امین گنڈاپور کی ایک اور آڈیو سامنے آگئی، علی امین گنڈاپور آڈیو میں مقامی رہنما داؤد آفریدی کو کارکنوں کے ساتھ زمان پارک پہنچنےکی ہدایت کر رہے ہیں۔

علی امین گنڈاپور کے آڈیو میں عمران خان کا پیغام پہنچاتے ہوئے کہا کہ ’خان کا کہنا ہے جو انتخابات کے لیے پارٹی کا ٹکٹ ہولڈر ہے وہ زمان پاک پہنچے‘، تم اِدھر جاؤ اور شکل دکھاؤ اپنی۔

داؤد آفریدی نے کہا کہ ٹھیک ہے سر کل 50 لوگ آئیں گے جس پر علی امین گنڈاپور نے کہا کہ پچاس نہیں،اس سے اوپر، 50 تم کرو، 50 ضیا اللّٰہ سے پکڑو، 100 کرکے جاؤ آج جو چلے گئے ہیں، کتنے بندے ہیں؟

داود آفریدی نے کہا کہ میرے خیال میں 20-15 لوگ ہوں گے۔

آڈیو لیک سامنے آنے پر علی امین گنڈاپور نے کہا کہ اس میں ایسی کیا خاص بات ہے ؟ عمران خان کی کال پر ہر حد تک جائیں گے۔

بشکریہ جنگ