طالبان 200 غیر ملکیوں کے انخلاء پر رضامند ہو گئے: امریکی حکام

امریکی حکام نے دعویٰ کیا ہے کہ افغانستان میں 31 اگست کے بعد رہ جانے والے غیر ملکیوں کے انخلاء پر طالبان رضا مند ہوگئے۔

افغانستان میں حکومت قائم کرنے والے طالبان کے ترجمان سہیل شاہین کا کہنا ہے کہ ہماری پالیسی چین سے اچھے تعلقات رکھنے کی ہے۔

امریکی حکام کے مطابق افغانستان میں رہ جانے والے ان غیر ملکیوں میں 200 امریکی اور دیگر ممالک کے لوگ شامل ہیں۔

امریکی حکام نے مزید بتایا کہ 200 امریکی اور دیگر غیر ملکی شہری بذریعہ چارٹر پرواز افغانستان سے نکلیں گے۔

چین کی وزارتِ خارجہ کی جانب سے کہا گیا ہے کہ افغانستان کی نئی حکومت اور رہنماؤں سے رابطہ رکھنے کے لیے تیار ہیں۔

امریکی حکام نے یہ بھی بتایا ہے کہ امریکیوں و غیر ملکیوں کے اس انخلاء کے لیے طالبان پر امریکی نمائندۂ خصوصی زلمے خلیل زاد نے دباؤ ڈالا ہے۔

بشکریہ جنگ