صہیب مقصود کشمیر کی خوبصورتی سے متاثر

کشمیر پریمیئر لیگ کی ٹیم مظفر آبادٹائیگرز کے صہیب مقصود کا کہنا ہے کہ دنیا بھر میں کرکٹ کھیلی ہے مظفر آباد کرکٹ گراؤنڈ دنیا کے خوبصورت گراؤنڈز میں سے ایک ہے۔

کشمیر پریمیئر لیگ کے مقابلے مظفر آباد اسٹیڈیم میں جاری ہیں جہاں اسٹارز کھلاڑی ایکشن میں ہیں، لیگ میں شامل کھلاڑی پہاڑوں کے درمیان میں واقع گراونڈ کی خوبصورتی کے سحر میں مبتلا ہیں۔

کرکٹر صہیب مقصود کا کہنا ہے کہ کرکٹ کا تو مزہ آ رہا ہے لیکن اسٹیڈیم کی خوبصورتی بہت شاندار ہے، کرکٹ کھیلنے کا مزہ مزید بڑھ جاتا ہے، ارد گرد ماحول بہت اچھا ہے، پہاڑوں میں واقع گراؤنڈ دنیا کے خوبصورت ترین مقامات میں سے ایک ہے۔

صہیب مقصود نے کہا ہے کہ کشمیر پریمیئر لیگ میں مقابلے کی کرکٹ ہو رہی ہے، سب کرکٹرز کو رِدَھم میں رہنے کا موقع مل رہا ہے، آگے کرکٹ بہت زیادہ ہے، میں انفرادی طور پر خوش ہوں کہ کے پی ایل میں کھیلنے کا موقع مل رہا ہے۔

انہوں نے کہا کہ مسلسل کھیلوں گا تو فارم میں رہوں گا اور اس کا مجھے فائدہ ہو گا، میں سمجھتا ہوں کہ کے پی ایل ایک اچھے وقت میں ہو رہی ہے۔

بشکریہ جنگ