بدھ14؍شوال المکرم 1442ھ26؍مئی 2021ء

شیری رحمٰن عمران خان پر برس پڑیں

وفاقی وزیر شیری رحمٰن نے عمران خان پر تنقید کرتے ہوئے کہا ہے کہ ملک سیلاب سے دوچار ہے اور عمران خان عجیب و غریب حلف لے رہے ہیں۔

ایک بیان میں شیری رحمٰن کا کہنا ہے کہ عمران خان اس وقت بھی کنٹینرز پر بیٹھ کر لوگوں کو گمراہ کرنا چاہتے ہیں، لانگ مارچ ہم نے بھی کیے تھے، یہ کہتے ہیں جلاؤ گھیراؤ کرو، ڈنڈے برساؤ۔

انہوں نے کہا کہ سیلاب سے نقصانات 40 ارب ڈالر سے زیادہ ہو سکتے ہیں، سیلاب کے باعث مزید ایک کروڑ لوگ غربت کی لکیر سے نیچے جا سکتے ہیں۔

عمران خان نے کہا کہ اسلام آباد مارچ کی جو میری پلاننگ ہے اس کی ایک ایک چیز پر غور کیا ہے، رانا ثناء اللّٰہ اور شہباز کو تیس چالیس سال سے جانتا ہوں۔

شیری رحمٰن کا کہنا ہے کہ پاکستان زیرو پوائنٹ بنا ہوا ہے، ماحولیاتی مسائل پر توجہ نہ دی گئی تو بڑے مسائل ہوں گے۔

ان کا یہ بھی کہنا ہے کہ دنیا کی آنکھیں سیلاب کی تباہ کاریوں پر نم ضرور ہیں لیکن وہاں بھی چین سپلائی کا مسئلہ ہے۔

وفاقی وزیر نے یہ بھی کہا کہ پہلی دفعہ اقوام متحدہ کی اسمبلی میں پاکستان کا اتنا مضبوط مقدمہ لڑا گیا، فضائی آلودگی کے مسئلے پر کافی کام کیا ہے یہ مسئلہ صرف پاکستان کا نہیں۔

بشکریہ جنگ
You might also like

Comments are closed.