شیخ رشید کیخلاف حب میں مقدمہ درج

عوامی مسلم لیگ کے سربراہ شیخ رشید کے خلاف بلوچستان کے شہر حب کے صدر تھانہ میں مقدمہ درج کرلیا گیا۔

شیخ رشید کی جانب سے پاکستان پیپلز پارٹی کے چیئرمین بلاول بھٹو زرداری کے خلاف نازیبا الفاظ استعمال کرنے پر کارکن نے ایف آر درج کرائی۔

درخواست گزار علی اصغر کے جانب سے جمع کرائی گئی ایف آئی آر کے مطابق شیخ رشید ملک میں امن و امان کو خراب کرنے اور خون ریزی کرانے کی سازش کررہے ہیں۔

مقدمے میں کہا گیا ہے کہ شیخ رشید کے نازیبا الفاظ سے پاکستان پیپلز پارٹی اور عوام میں اشتعال پھیل گیا ہے۔

سابق وفاقی وزیر شیخ رشید نے اسلام آباد سے کراچی منتقلی روکنے کے لیے اسلام آباد ہائی کورٹ سے رجوع کر لیا۔

ایف آئی آر کے مطابق شیخ رشید کے خلاف 506۔504۔500۔186اور 153ت پ کے تحت مقدمہ درج کیا گیا ہے

بشکریہ جنگ