بدھ14؍شوال المکرم 1442ھ26؍مئی 2021ء

شہباز گِل کو انڈہ مارنے والی خاتون کو عدالت سے نکال دیا گیا

لاہور ہائی کورٹ کے سیکیورٹی اسٹاف نے ایک نون لیگی خاتون کارکن کو احاطہ عدالت سے باہر نکال دیا۔

جس خاتون کو احاطہ عدالت سے باہر نکالا گیا ان پر کچھ عرصہ قبل وزیرِ اعظم عمران خان کے معاونِ خصوصی ڈاکٹر شہباز گِل پر انڈہ پھینکنے کا الزام ہے۔

شہباز گل پر لاہور ہائی کورٹ کے احاطے میں دو انڈے اور سیاہی پھینکی گئی، شہباز گل کے ماتھے اور ہاتھ پر سیاہی لگی۔

سیکیورٹی اسٹاف کا اس موقع پر کہنا تھا کہ امن و امان کی صورتِ حال کے پیشِ نظر خاتون کو عدالت سے باہر نکالا ہے۔

خاتون نے میڈیا کے سامنے مؤقف کا اظہار کیا کہ اپنی پارٹی قیادت سے ملنے کے لیے عدالت آئی ہوں۔

واضح رہے کہ کچھ عرصہ قبل لاہور ہائی کورٹ میں پیشی کے موقع پر شہباز گل پر راہداری سے عدالت کی طرف جا تے ہوئے انڈے اور سیاہی پھینکی گئی تھی۔

سیاہی سے وزیرِ اعظم عمران خان کے معاونِ خصوصی شہباز گِل کی بائیں آنکھ میں انفیکشن ہو گیا تھا۔

بشکریہ جنگ
You might also like

Comments are closed.