شہباز گل ایک مرتبہ پھر غلط ثابت ہوئے

پاکستان تحریک انصاف (پی ٹی آئی) کے رہنما شہباز گل ایک مرتبہ پھر غلط ثابت ہوگئے۔

شہباز گل نے دعویٰ کیا ہے کہ عمران خان نے جیو نیوز سے  کوئی گفتگو نہیں کی، جبکہ عمران خان نے جیو نیوز کے نمائندے سے خصوصی گفتگو کی تھی۔

پاکستان تحریک انصاف (پی ٹی آئی) کے چیئرمین اور سابق وزیر اعظم عمران خان نے کہا تھا کہ لاہور نہیں چھوڑوں گا اور ہفتے میں 2 دن یہاں قیام کیا کروں گا۔

فواد چوہدری نے کہاک ہ وکلاء کو توہین عدالت کی کارروائی کے لیے کہہ دیا ہے، اب سے کچھ دیر بعد ڈپٹی اسپیکر کیخلاف توہین عدالت کی درخواست سپریم کورٹ میں دائر کی جا رہی ہے۔

جیو نیوز سے خصوصی گفتگو کرتے ہوئے عمران خان نے کہا کہ حماد اظہر کو پنجاب میں تحریک انصاف کو منظم کرنے کی اہم ذمہ داری سونپ رہے ہیں۔

عمران خان نے کہا کہ یاسمین راشد بہت متحرک ہیں لیکن ان کے طبی معاملات ہیں۔

انہوں نے کہا کہ نیوٹرلز کو کہا تھا جب عوام نکلیں گے تو سب کو سمجھ آجائے گی۔

پی ٹی آئی چیئرمین نے کہا کہ عوام کھڑے ہوجائیں تو سرکاری ملازم سامنے کھڑا نہیں ہوسکتا، حیران ہوں جس طرح لوگ ضمنی انتخاب میں باہر آئے۔

بشکریہ جنگ