شہباز شریف کی رہائی کیلئے روبکار جاری
لاہور کی احتساب عدالت نے مسلم لیگ نون کے صدر اور قومی اسمبلی میں قائدِ حزبِ اختلاف میاں شہباز شریف کی رہائی کے لیے روبکار جاری کر دی۔
جاری کی گئی روبکار احتساب عدالت کے اہلکار جیل کے حکام کے حوالے کریں گے جس کے بعد آج ہی شہباز شریف کی رہائی کا امکان ہے۔
اس سے قبل لاہور ہائی کورٹ نے شہباز شریف کی ضمانت کی منظوری کا آرڈر جاری کیا تھا، جس کے بعد ان کی ضمانت کے مچلکے احتساب عدالت نمبر 2 میں پیش کر دیئے گئے۔
صدر مسلم لیگ نون شہباز شریف کے وکیل اعظم نذیر تارڑ کے ہمراہ نون لیگی رہنما ملک سیف کھوکھر اور چوہدری محمد نواز ہائی کورٹ سے ضمانتی مچلکے لے کر لاہور کی احتساب عدالت نمبر 2 پہنچے، جہاں انہوں نے یہ مچلکے جمع کرائے۔
لاہور کی احتساب عدالت نے مچلکوں کا جائزہ لے کر میاں شہباز شریف کی رہائی کی روبکار جاری کر دی۔
مسلم لیگ نون کے رہنما ملک سیف کھوکھر اور چوہدری محمد نواز قومی اسمبلی میں اپوزیشن لیڈر میاں شہبازشریف کے ضمانتی ہیں۔
Comments are closed.