شام: سڑک کنارے نصب بارودی مواد سے دھماکا، 2 فوجیوں سمیت 3 افراد ہلاک

شام کے جنوبی صوبے درا میں دھماکے سے ایک صحافی اور دو فوجیوں سمیت تین افراد ہلاک ہوگئے۔

شامی میڈیا کے مطابق ہلاک ہونے والوں میں شامی فوج کے دو اہلکار اور مقامی چینل کا ایک رپورٹر بھی شامل ہے۔ دھماکا سڑک کنارے نصب بارودی مواد سے کیا گیا تھا۔

یاد رہے کہ صوبہ درا صدر بشار الا اسد کے خلاف بغاوت کا مرکز رہا ہے۔

آخری اطلاعات تک کسی گروپ نے دھماکے کی ذمہ داری قبول نہیں کی۔

بشکریہ جنگ