سڑی ہوئی ناشپاتی کھا کر گلہری کو نیند کے جھونکے آگئے

عام طور پر یہ تصور کیا جاتا ہے کہ جانور گلے سڑے پھل کھا سکتے ہیں اور ان کے لیے باسی کھانے مضر صحت نہیں ہوتے لیکن ذیل میں موجود ویڈیو دیکھ کر اس تاثر کی نفی ہوتی ہے۔

ٹوئٹر صارف کی اپ لوڈ کردہ ویڈیو میں دیکھا جا سکتا ہے کہ ایک گلہری کے سامنے پیالے میں کچھ سڑی ہوئی ناشپاتیاں رکھی ہیں۔

گلہری نے ناشپاتی کھائی تو اسے غشی کے دورے پڑ رہے ہیں اور وہ اپنے پیروں پر ٹھیک سے کھڑی نہیں ہو پا رہی۔

ٹوئٹر صارف نے کیپشن دیا کہ سڑی ہوئی ناشپاتیاں کھانے کے بعد گلہری کو نشہ چڑھ گیا۔

اس ویڈیو کو اب تک 7 لاکھ 53 ہزار سے زائد مرتبہ دیکھا جا چکا ہے۔

ایک صارف نے دلچسپ کمنٹ کرتے ہوئے کہا کہ لنچ کے بعد اگر میں بائیولوجی کی کلاس میں بیٹھوں تو ایسا ہی ہوتا ہے۔

بشکریہ جنگ